香港新浪網 MySinaBlog
« 上一篇 | 下一篇 »
Dozy.第一桶金 | 18th Oct 2016 | 一般, 財富@投資世界 | (2831 Reads)
最近不少網友、記者朋友問關於年期的問題...
999 年期是否無敵?非 999 年期是否到了 2047 就玩完?大家非常感興趣,就此筆者問過相熟律師,不保證必定正確,但可以交流吓...

1) 筆者問:如果地契 2047 年到期,如何處理?會否收樓?
律師回覆:由於這是幾十年後的事,現時仍未有案例,大家都係靠估,冇辦法答實你。嚴格來說到時政府有權這樣做,不過由於牽涉的單位、業主數目非常龐大,收樓收地必然天下大亂,相信到時政府唔會咁做,相信會參考現時地契到期的樓盤做法...續期、交地租。


2) 記者問:999 年地契物業會唔會特別值錢?

筆者答:暫時未見到有很大分別,最近有幾個新盤,如利奧坊曉岸等,由於是舊契樓,同樣有 999 年期,未見因此而特別貴。二手市場,港島區不少舊契物業,同樣有 999 年期,又未見特別搶手。不過可能因為而家離 2047 仲有 30 年,大家未見到年期有甚麼影響,萬一將來政府真係決定收番幾幅地,咁就真係唔同晒,到時到期的樓肯定大劈價,999 年期就搶到天價,政府樂意見到這件事嗎?

3) 記者問:除了太古城,有那些大型屋苑是 999 年期?
筆者答:據我所知大型屋苑不多,不過港島區及九龍區,很多小屋苑及單幢樓是屬於舊契物業,享有 999 年期,例如筆者出身的港島西,位於堅尼地城的聯威新樓,位於石塘咀及西營盤的均益大廈 1~3 期,都是 999 年期,筆者都有持貨,區內算係好多街坊都識的大屋苑,區外就冇乜人識,舊樓來說,位置及質素不俗,投資價值甚高。

留言(1) | 引用(0) | 話題(地產)

[1]

有強積金時,我問自己有命等到65嗎?現在我也是會想,我有命等到2047年嗎?

團體
[引用] | 作者 團體 | 3rd Nov 2016 | [舉報垃圾留言]